З лістапада 2022 года ўсе свядомыя беларусы святкуюць юбілей песняра беларускай літаратуры, паэта, празаіка, драматурга, крытыка, публіцыста, перакладчыка, вучонага, педагога і грамадскага дзеяча. Чалавека, без якога наша родная літаратура не была б такой вобразнай, маляўнічай, жанрава разнастайнай. У гэты дзень спаўняецца 140 год з дня нараджэння Якуба Коласа, сапраўднае імя і прозвішча якога – Канстанцін Міхайлавіч Міцкевіч. Далучыліся да ўшанавання памяці славутага майстра слова і гімназісты. Вучні 7 – 11 класаў прынялі ўдзел у конкурсе буктрэйлераў на тэму: «Любімы твор Я. Коласа», у якіх змяшчалі любімыя цытаты, аналізавалі літаратурную спадчыну К. Міцкевіча. Гімназісты 5 – 7 класаў удзельнічалі ў інтэлектуальнай гульні «Пуцявінамі Я. Коласа і Я. Купалы», падчас якой вучні дэманстравалі веды не толькі ў галіне літаратуры, але і ў галіне геаграфіі і гісторыі.
